Ábyrgðarskilmálar

Ábyrgð söluaðila (Verklagnir ehf., hér eftir „söluaðili“) tryggir að vélar, búnaður, aukabúnaður og þjónusta séu laus við galla í efni og vinnu.

Ábyrgðin breytir ekki lögbundnum réttindum kaupanda samkvæmt neytenda- og kaupalögum. Ábyrgðarskilmálar þessir undanskilja ekki, takmarka ekki og breyta ekki þeim réttindum.

Ábyrgðartími miðast við uppsetningardag eða afhendingardag, hvort sem er eldra.

Komi fram galli á ábyrgðartímanum og söluaðili fær tilkynningu um hann í samræmi við 3. grein, mun söluaðili svo fljótt sem auðið er annaðhvort lagfæra búnaðinn eða skipta honum út.

Almenn ábyrgð. Almenn ábyrgð á vörum er 2 ár, nema annað sé tekið fram.

Framlengd ábyrgð. Hægt er að fá allt að 5 ára ábyrgð ef keyptur er aðgangur að skýjaþjónustu sem tengist búnaðinum. Framlengd ábyrgð gildir aðeins meðan búnaður er skráður og virkur í skýjaþjónustunni allan tímann.

Sérstakir ábyrgðartímar. Vélahlutir: 12 mánuðir. Rafmagns- og rafeindahlutir: 12 mánuðir miðað við 8 klst. notkun á dag. Ef notkun er meiri styttist ábyrgðartími hlutfallslega.

Skilmálar framleiðanda. Framleiðendur geta haft sérstaka skilmála sem ganga framar þessum skilmálum. Kaupandi skal kynna sér þá sérstaklega. Sérstaka skilmála framleiðanda má nálgast á vefsíðu söluaðila og/eða hjá framleiðanda.

Kaupandi skal varðveita reikning eða ábyrgðarskjal sem sönnun fyrir kaupum og sem sýnir að hann sé upphaflegur kaupandi tækjanna.

Galla skal tilkynna strax og hans verður vart, en útlitsgalla innan 10 daga frá afhendingu.

Útlitsgalla skal tilkynna skriflega, með tölvupósti eða ábyrgðarbréfi til söluaðila. Aðra galla má tilkynna með símtali eða tölvupósti. Í tilkynningu skal vera góð lýsing á gallanum.

Ábyrgðin nær ekki til:

Ábyrgðin nær ekki til búnaðar sem hefur verið opnaður eða breytt af óviðkomandi aðila.

Niðurfelling ábyrgðar. Ábyrgð fellur niður ef:

Íhlutir í ábyrgðarviðgerðum. Við ábyrgðarviðgerðir getur söluaðili notað íhluti úr öðrum vörum eða uppgerða íhluti sem eru sambærilegir nýjum eða hafa verið í óverulegri notkun.

Öryggisafritun. Notandi ber ábyrgð á öryggisafritun gagna.

Vinna innifalin í ábyrgð. Ábyrgðin nær eingöngu til vinnu sem framkvæmd er á verkstæði söluaðila.

Viðgerðir á staðnum – þjónusta í boði en ekki innifalin. Söluaðili býður upp á viðgerðir á staðnum ef þess er óskað. Ferðakostnaður, akstur, uppihald, dagpeningar og annar tilfallandi kostnaður vegna þjónustu á staðnum eru ekki hluti af ábyrgð og eru alltaf greidd af viðskiptavini. Útköll og ferðir eru samkvæmt gildandi gjaldskrá, óháð því hvort um ábyrgðarviðgerð sé að ræða.

Flutningur, niðurtaka og uppsetning. Viðskiptavinur getur komið með búnaðinn sjálfur á verkstæði söluaðila. Söluaðili ber engan kostnað vegna niðurtöku búnaðar, aftengingar, flutnings frá notkunarstað eða uppsetningar og tengingar eftir viðgerð. Allur slíkur kostnaður er á ábyrgð og kostnað viðskiptavinar. Sendingarkostnaður varahluta í ábyrgð til viðtakanda er á kostnað viðtakanda.

Gallaðir hlutir eru lagfærðir eða skipt út án endurgjalds fyrir vinnu á verkstæði.

Rekstrarvörur, prófanir, stillingar og efni geta verið á kostnað kaupanda eftir eðli viðgerðar. Þetta á meðal annars við um olíur, síur og kælimiðla sem nota þarf við ábyrgðarvinnu.

Ágreiningur skal rekinn fyrir Héraðsdómi Reykjavíkur, nema annað sé samið.

Um ábyrgðarskilmála þessa gilda íslensk lög. Réttur neytenda til að leita til kærunefndar vöru- og þjónustukaupa, eða til að bera mál undir þann dómstól sem lög mæla fyrir um, helst óbreyttur.

Söluaðili áskilur sér rétt til að breyta skilmálum þessum. Breytingar gilda um vörur sem seldar eru eftir að breytingin er birt á vefsíðu söluaðila og hafa ekki áhrif á ábyrgð sem þegar hefur verið veitt.

Ábyrgðarskilmálar þessir eru gefnir út bæði á íslensku og ensku. Íslenska útgáfan skal gilda um samband aðila og komi upp misræmi eða mótsagnir skal íslenska útgáfan ganga framar að öllu leyti.