Hafa samband

Erindi eru yfirleitt yfirfarin og svarað á virkum dögum milli klukkan 9 og 16, og til klukkan 15 á föstudögum. Ef þú sendir okkur skilaboð utan þess tíma bíða þau næsta virka dags. Ef málið þolir enga bið er fljótlegast að hringja í okkur á opnunartíma.

Já, allar varmadælurnar okkar eru með wifi. Þú tengir tækið við heimanetið og getur þá stjórnað því og fylgst með því í símanum, hvar sem þú ert. Ef þig vantar aðstoð við að tengja tækið er tæknideildin boðin og búin að hjálpa.

Nei, allar varmadælurnar okkar eru smíðaðar til að vera hljóðlátar. Útieiningin gefur frá sér lágt suð þegar hún er í gangi, en það er yfirleitt vel innan þess sem eðlilegt þykir í íbúðabyggð. Staðsetning einingarinnar skiptir líka máli, og tæknideildin getur ráðlagt þér um hana.

Nei, alls ekki. Allar varmadælurnar sem við seljum eru hannaðar sérstaklega fyrir íslenskt og norrænt veðurfar, og útieiningin er smíðuð til að standa úti í öllum veðrum, hún þarf því hvorki skjól né hús. Varmadælan sækir orkuna í umhverfið, og því frjálsari sem hún er í útiloftinu, því betur nýtist hún. Skjól eða hús utan um hana dregur úr orkusparnaðinum og styttir líftíma hennar verulega. Það sem lengir líftíma hennar er að halda henni hreinni, til dæmis lausri við lauf, snjó, ís og önnur óhreinindi í kringum hana og í loftinntakinu.

Þetta eru tvö ólík tæki. Varmadæla býr til varma: hún sækir hann í útiloftið og notar rafmagn til að flytja hann inn í húsið, og hentar því húsum sem eru ekki á hitaveitu. Varmaskiptir býr ekki til varma heldur flytur hann á milli tveggja kerfa, til dæmis frá hitaveituvatni yfir í hitakerfi hússins. Ef húsið þitt er á hitaveitu er það því yfirleitt varmaskiptir sem á við, annars varmadæla. Ef þú ert í vafa skaltu hafa samband við söludeildina eða prófa ráðgjafann okkar.

Nei, uppsetningu varmadælu á alltaf að vera í höndum fagmanns. Þú getur haft samband við uppsetningaraðila sjálf(ur), eða haft samband við tæknideildina okkar og við finnum uppsetningaraðila fyrir þig.