Notkunarskilmálar

Vefsíðan veitir upplýsingar um vörur og þjónustu Verklagna, meðal annars varmadælur og tengdan búnað, og gerir þér kleift að senda fyrirspurnir og þjónustubeiðnir, nota stafrænan ráðgjafa, skrá þig á viðburði og stofna notendaaðgang.

Skilmálar þessir gilda um notkun Vefsíðunnar sjálfrar. Kaup á vörum og þjónustu fara eftir tilboði eða pöntunarstaðfestingu frá Verklagnir, sölu- og ábyrgðarskilmálum Verklagna (www.verklagnir.is/abyrgdarskilmalar). Skilmálarnir takmarka ekki lögbundin réttindi neytenda.

Upplýsingar á Vefsíðunni eru almenns eðlis og settar fram í leiðbeinandi tilgangi. Lýsingar, tæknilegar upplýsingar, myndir, verð og framboð vara geta breyst án fyrirvara og eru ekki bindandi tilboð. Verklagnir áskilja sér rétt til að leiðrétta villur. Bindandi samningur kemst ekki á fyrr en Verklagnir hafa staðfest tilboð eða pöntun skriflega.

Stofnun aðgangs. Sumir hlutar Vefsíðunnar krefjast notendaaðgangs, t.d. skráning á viðburði. Aðgangar eru ætlaðir fyrir vinnunetföng. Þú skuldbindur þig til að veita réttar og fullnægjandi upplýsingar og halda þeim uppfærðum. Aðgangur verður ekki virkur fyrr en netfang hefur verið staðfest.

Öryggi aðgangs. Þú berð ábyrgð á að halda aðgangsupplýsingum leyndum og á allri notkun sem fer fram í gegnum aðganginn þinn. Ef þú telur að óviðkomandi hafi fengið aðgang skaltu láta okkur vita án tafar. Við berum ekki ábyrgð á tjóni sem hlýst af því að aðgangsupplýsingar komast í hendur óviðkomandi vegna vanrækslu þinnar.

Eyðing aðgangs. Þú getur eytt aðgangi þínum hvenær sem er undir „Minn aðgangur“ á Vefsíðunni. Ef þú ert eini ábyrgðarmaður hópskráningar á viðburði sem er framundan þarftu fyrst að tilnefna nýjan ábyrgðarmann eða afskrá hópinn.

Lokun aðgangs. Við getum lokað aðgangi eða takmarkað aðgang þinn ef þú brýtur gegn Skilmálunum, ef grunur er um misnotkun eða öryggisógn, eða ef lög krefjast þess.

Leyfi. Með fyrirvara um Skilmálana veita Verklagnir þér takmarkað, óeinkarétt, óframseljanlegt og afturkallanlegt leyfi til að skoða og nota Vefsíðuna til eigin nota.

Takmarkanir. Þér er óheimilt að: (i) selja, leigja, framleigja, framselja, dreifa eða hagnýta Vefsíðuna eða efni hennar í atvinnuskyni án skriflegs leyfis okkar; (ii) breyta, afrita, taka í sundur eða reyna að greina frumkóða hennar, nema lög heimili slíkt; (iii) nota sjálfvirk verkfæri (t.d. skriðla eða vélmenni) til að safna efni eða álagsprófa Vefsíðuna; (iv) trufla rekstur Vefsíðunnar, öryggiskerfi eða takmarkanir á notkun (svo sem hraðatakmarkanir á eyðublöðum); eða (v) nota Vefsíðuna á þann hátt sem brýtur gegn lögum eða réttindum annarra.

Efni sem þú sendir okkur. Þú berð ábyrgð á því að upplýsingar, myndir og skjöl sem þú sendir í gegnum eyðublöð eða viðhengi séu réttar, löglegar og laus við spilliforrit, og að þú hafir rétt til að senda þau. Vinsamlegast sendu ekki viðkvæmar persónuupplýsingar (t.d. heilsufarsupplýsingar) né upplýsingar um aðra án heimildar þeirra. Með því að senda okkur efni veitir þú Verklagnir heimild til að nota það í þeim tilgangi að svara fyrirspurn þinni, veita þjónustu eða afgreiða beiðni þína, í samræmi við persónuverndarstefnu okkar.

Breytingar á Vefsíðunni. Við getum breytt, lokað tímabundið eða hætt rekstri Vefsíðunnar eða hluta hennar hvenær sem er, með eða án fyrirvara. Við berum ekki skyldu til að veita stuðning eða viðhald vegna Vefsíðunnar.

Fyrirspurnir og þjónustubeiðnir. Fyrirspurn eða þjónustubeiðni sem þú sendir gegnum Vefsíðuna er ekki bindandi samningur. Við leitumst við að svara innan eðlilegs tíma en tryggjum ekki ákveðinn svartíma.

Stafrænn ráðgjafi. Stafrænn ráðgjafi Verklagna er sjálfvirkt hjálpartæki sem byggir á gervigreind og á að einfalda val á varmadælu. Ráðgjafinn getur gert mistök. Tillögur hans eru leiðbeinandi, eru ekki tilboð, jafngilda ekki sérfræðimati á húsnæði þínu og skapa ekki skuldbindingar fyrir Verklagnir. Sérfræðingar okkar fara yfir tillögur áður en þeim er fylgt eftir. Við mælum með að þú fáir staðfestingu sérfræðings áður en þú tekur ákvörðun um kaup eða uppsetningu.

Viðburðir. Skráning á viðburði á Vefsíðunni er háð framboði og skilmálum viðkomandi viðburðar. Sá sem skráir hóp ber ábyrgð á að upplýsa þátttakendur um skráninguna og um meðferð persónuupplýsinga þeirra. Við getum breytt, frestað eða aflýst viðburði og munum þá tilkynna skráðum þátttakendum.

Öll hugverkaréttindi að Vefsíðunni og efni hennar, þar á meðal texti, myndir, myndbönd, hönnun, vörumerki, merki og hugbúnaður, eru í eigu Verklagna eða leyfisgjafa þess og njóta verndar íslenskra laga og alþjóðasamninga. Skilmálarnir færa þér engan eignarrétt umfram takmarkaðan notkunarrétt skv. grein 3.1.

Vörumerki, nöfn og merki þriðju aðila (t.d. framleiðenda) sem birtast á Vefsíðunni eru eign viðkomandi eigenda. Þér er óheimilt að nota þau án skriflegs leyfis rétthafa.

Ef þú sendir okkur ábendingar eða tillögur um Vefsíðuna eða þjónustu okkar mega Verklagnir nýta þær án endurgjalds og án takmarkana, án þess að nafngreina þig.

Notkun þín á Vefsíðunni er jafnframt háð persónuverndarstefnu okkar (www.verklagnir.is/personuverndarstefna), þar sem lýst er hvaða persónuupplýsingum við söfnum, í hvaða tilgangi, hversu lengi við geymum þær, hverjum við miðlum þeim og hvaða réttindi þú átt.

Upplýsingar um vafrakökur og sambærilega tækni á Vefsíðunni, og hvernig þú getur breytt vali þínu, er að finna á www.verklagnir.is/vafrakokur.

Vefsíðan getur innihaldið tengla á vefsíður þriðju aðila eða fellt inn efni frá þeim (svo sem kort, myndbönd og leitarþjónustu). Við ráðum ekki yfir slíku efni, berum ekki ábyrgð á því og mælum ekki endilega með því. Um notkun þess gilda skilmálar og persónuverndarstefna viðkomandi þriðja aðila.

Vefsíðan er veitt „eins og hún er“ og „eins og hún er í boði“. Við ábyrgjumst ekki að Vefsíðan sé aðgengileg án truflana, villulaus eða laus við spilliforrit, né að upplýsingar á henni séu fullkomlega réttar eða tæmandi.

Að því marki sem lög leyfa bera Verklagnir ekki ábyrgð á óbeinu tjóni eða afleiddu tjóni, svo sem glötuðum hagnaði, vinnutapi eða gagnatapi, sem hlýst af notkun Vefsíðunnar eða vanhæfni til að nota hana.

Ekkert í Skilmálunum undanskilur eða takmarkar ábyrgð okkar vegna ásetnings eða stórfellds gáleysis, líkams- eða heilsutjóns, eða ábyrgð sem ekki er unnt að undanskilja samkvæmt lögum. Réttindi neytenda samkvæmt lögum haldast óbreytt.

Þú skuldbindur þig til að bæta Verklagnir tjón sem stafar af broti þínu á Skilmálunum eða lögum í tengslum við notkun þína á Vefsíðunni, að því marki sem lög leyfa.

Við getum uppfært Skilmálana. Verði efnislegar breytingar birtum við tilkynningu á Vefsíðunni eða sendum tölvupóst á skráð netfang ef um notendaaðgang er að ræða. Áframhaldandi notkun eftir að breyting hefur verið birt telst samþykki þitt á hinum uppfærðu Skilmálum.

Skilmálarnir gilda á meðan þú notar Vefsíðuna. Greinar 3.3, 5, 8, 10 og 11 gilda áfram eftir að notkun lýkur.

Rafræn samskipti. Með því að nota Vefsíðuna samþykkir þú að við megum eiga samskipti við þig rafrænt (með tölvupósti eða tilkynningum á Vefsíðunni). Slík samskipti uppfylla kröfur um skriflega tilkynningu.

Aðgengi. Verklagnir leitast við að gera Vefsíðuna aðgengilega öllum, þar á meðal fólki með fötlun, í samræmi við viðmið WCAG 2.1 á stigi AA. Ef þú átt í erfiðleikum með að nota Vefsíðuna eða hefur ábendingar um aðgengi, hafðu samband á info@verklagnir.is eða í síma 517 0270.

Heildarsamkomulag og ógilding. Skilmálarnir ásamt persónuverndarstefnu og öðrum stefnum sem vísað er til í þeim mynda heildarsamkomulag þitt og Verklagna um notkun Vefsíðunnar. Reynist ákvæði ógilt eða óframkvæmanlegt halda önnur ákvæði gildi sínu. Að við nýtum ekki rétt okkar samkvæmt ákvæði telst ekki afsal þess réttar. Þú mátt ekki framselja réttindi þín eða skyldur samkvæmt Skilmálunum án skriflegs samþykkis okkar.

Höfundaréttur. © 2026 Verklagnir ehf. Öll réttindi áskilin.

Um Skilmálana og notkun Vefsíðunnar gilda íslensk lög.

Rísi ágreiningur skal leitast við að leysa hann með samskiptum aðila. Takist það ekki skal ágreiningur rekinn fyrir Héraðsdómi Reykjavíkur. Ákvæði þetta takmarkar ekki rétt neytenda til að bera mál undir þann dómstól sem lög kveða á um, né til að leita til kærunefndar vöru- og þjónustukaupa (www.kvth.is).

Notkunarskilmálar þessir eru gefnir út bæði á íslensku og ensku. Íslenska útgáfan skal gilda um samband aðila og komi upp misræmi eða mótsagnir skal íslenska útgáfan ganga framar að öllu leyti.